هونەرمەندێكی عێراقی و عود ژەنێكی ناوازەیە، لە شاری کوت لە دایکبووە لە عێراق.

دەرچوی پەیمانگای خوێندنە مۆسیقیەکانە لە بەغداد لەساڵی ١٩٨٧، تاکو ببێتە سەرەتایەك بۆ زیجیرەیەك سەرکەوتن لە بواری مۆسیقا و بەتایبەتی ئامێری "عود"، وە نمرەی دکتۆرای بەدەستهێناوە لە" فەلسەفەی مۆسیقی"

نصیر شمە زیاتر لە ٦٠ خەڵاتی بەدەستهێناوە، لەساڵی دەرچوونیەوە دەسیپێکرد بە "باشترین ئاوازی عاطفی لە عێراق" وە پلەی شەرەف لە سەندیکای هونەرمەندە عێراقیەکان بۆ ماوەی سێ ساڵ لەدوایی یەك لە سالێ ١٩٨٨-١٩٩٠، وە باشترین هونەرمەند لە عێراق لە ساڵی ١٩٩٤، وە خەڵاتی ئەکادیمیایی شانیشینی بەریتانی ساڵی ١٩٩٨، جگە لە خەڵاتی ڤێستیفاڵی "روتردامی عەرەبی" و چەندین خەلاتی تر.

لە ماوەی کارەکانی، نصیر شمە "خانەی عودی عەربی" دەرکرد، کە هەستا بە دامەزراندنی ناوەندی یەکەمی لە ماڵی ئۆپێرا لە قاهیرە لە ساڵی ١٩٩٩، و هەستا بە بەڕێوەبردن و پەرەپێدانی خوێندکارانی عود بۆ ئاستی کارامەیی، وە تەکنیك و زیادکردنە کەسیەکانی خۆی لە ئامێری عود لەگەڵیان گۆڕیەوە.

"خانەی عودی عەرەبی" ئامێری تریش لەخۆدەگرێت وەکو (ساز، نای، قانون، و ئیقاعی رۆژهەڵاتی).

وە لەو کاتەوە "خانەی عودی عەرەبی" لە ئەبو زەبی لە ساڵی ٢٠٠٨، و لە ئسکەندەریە لە ساڵی ٢٠١١ و لە بەغداد لە ساڵی ٢٠١٨، دامەزراوە، وە هەموویان بەسەرپەرشتی نصیر شمە.

وە لە کاری ئەم حەفلانە ئاستێکی باشی لە ئەوکسترای عەربی پێشکەش بە جیهان کردووە، وە سەرکەوتووبوو لە دروستکردنی پرد لە نێوان هەوادارانی رۆژئاوا و کەلتوری مۆسیقی عەرەبی لەسەر ئاستی ئەکادیمی.

وە شمە هەستا بەدامەزراندنی "الغلوب انسومبلا" کە پێکهاتووە لە کۆمەڵێك لە شاکارە میوزیك ژەنە ڕۆژئاواییەکان بە سەرۆکایەتی خۆی، هەروەکو چۆن "ئەوکسترای ڕۆژهەڵات"ی دامەزراند کە زیاتر لە ٧٥ میوزیك ژەنی جیهانی لە ئاسیا و رۆژهەڵاتی ناوەڕاست و ئەوروپای لەخۆ گرتووە، شمە ئەم نمایشە میوزیکیانەی لە هەموو کیشوەرەکانی جیهان پێشکەشکردنووە.

لە درێژەی کارەکانی شمە هەمیشە پالپشتی خۆی بۆ پرۆژە مرۆیەکان دەربرێووە بۆ بەدەستهێانی ئاشتی لەسەرانسەری جیهان، وەکو کۆمەڵەی "طریق الزهور"ی خێرخوازی (Tazc) کە چاودێری پزیشکی پێشکەشی منداڵانی عراق دەکات، وە کامپینی "اهلنا" بۆ هاوکاری ئاوارەکان و گەڕاندنەوەیان بۆ شوێنی خۆیان لە عێراق.

لە دیارترین پرۆژە بەردەوامەکانی ل پرۆژەی "الق بغداد"ە کە شمە ڕایگەیاند  بە ئامانجی دروستکردنەوەی ٢١ گۆڕەپان لە بەغداد، لەگەڵ نوێکردنەوەی جادی ڕەشید لە بەغداد وەکو هەنگاوی یەکەم، بەهیوای بڵاوبوونەوەی لە سەرانسەری عێراق، هەروەها ئەم پرۆژەیە ئامانجی بوژاندنەوە و ژیاندنەوەی عێراق و هاندانی وەبەرهێنەرانە لە ناوچەکە و جیهان بۆ گەڕاندنەوەی متمانە بە عێراق.

هەروەها شمە مۆسیقای بەکارهێناوە بۆ کۆکردنەوەی هاوکاری بۆ ژمارەیەك لە پرۆژە دۆکیومێنتەریەکان کە خزمەت بە باوەڕی مرۆڤایەتی دەکەن.

وە خەڵاتکراوە بۆ کاری مرۆیی وەکو خەڵاتی غوسی بۆ ئاشتی نێودەوڵەتی بۆ ساڵی ٢٠١٢، وە وەکو باڵیۆزی نیەتە باشەکان لەلایەن رێکخراوی مانگی سوری عێراقی ٢٠١٨، وە هەروەها وەکو باڵیۆزی نیەتە باشەکان لەلایەن ڕێکخراوی دژە-توندوتیژی نێودەوڵەتی ٢٠١٦، وە هێشتا بەردەوامە لە کارکردن وەکو هونەرمەندی یونیسکو بۆ ئاشتی، وە لە کۆتاییدا وەکو باڵیۆزی یەکگرتوونی نێودەوڵەتی کۆمەڵەکانی خاچی سور و مانگی سور ٢٠١٨.